圈中靚媽丨梁諾妍因一事突然入院　胸部紅腫情況嚴重恐要開乳頭放膿

洪永城與太太梁諾妍（Inez）的第二個小公主在3月出世，一家四口幸福美滿。產後不時在社交網分享生活點滴的Inez，今日（7日）在社交網自爆突然發高燒入院，認真慘豬！

懷孕坐月︱梁諾妍分享古方驅頭風大法　2種材料擊退坐月出汗頭風頭痛【附製作方法】

患乳腺炎情況嚴重

她指由周六（4日）晚開始發燒，半夜更發冷、骨痛兼體力不支，但五合一檢測結果仍呈一線：「諗嚟諗去都唔知點解，直到一位媽媽朋友話係唔係乳腺炎，omg我星期四同五真係太忙有試過2次過咗7個鐘先泵，又因為我量多嘅關係，應該已經塞咗。」

Inez續指右上胸已痛足多日，周日（5日）黃昏因持續高燒不退才辛苦到去醫院看急症：「姑娘再幫我探熱已經燒到39.7度誇張，醫生睇完右胸又脹又腫又紅又咁高燒，建議我留院3日打抗生素，然後我話我想返屋企，所以當日我抽咗血，睇吓啲菌有冇入血，打咗抗生素針同高燒止痛針。」

▲ 梁諾妍發高燒入院。

嚴重要開乳頭放膿

昨日（6日）Inez仍然病情反覆，她稱只好多休息、多飲水、按時食藥、食補充劑、埋身親餵母乳、每兩至三小時泵一次奶，以及餵奶前敷熱毛巾和餵後敷凍椰菜等，終於今晨再沒有發燒發冷情況，「雖然個胸仲係又紅又腫又痛，冇發燒我已經覺得打贏咗一半，因為如果太嚴重要用針抽膿／做手術開（打）開個乳頭放膿，omg希望冇呢一日。」

▼點擊圖片放大

+5

+4

寄語各位媽媽要泵清

最後Inez在醫院自拍照寄語各位媽媽盡量親餵母乳，餵完最好再泵清：「千祈唔好好似我咁，辛苦到唔多識形容，個胸都痛到唔識形容。泵都唔好過4-5個鐘，真係會好易塞定時要按摩，吃都要吃得清淡嘟啲（我肯定係星期四食完糯米出事）。」

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick WhatsApp頻道睇最新資訊︰http://tinyurl.com/3dtnw8f5